Без разлика дали се работи за избегнување на повисок данок или се должи на влијанието на кризата, мнозинството Грци пријавиле приходи помали од 1.000 евра на месечно ниво.
Како што пренесува Катимерини, од 5,9 милиони поднесени финансиски извештаи за 2014 година, дури во 62,8 отсто (3,7 милиони) се наведени примања помали од 12.000 евра годишно. Тие граѓани се класифицираат како граѓани со ниски приходи.
За споредба, пред пет години Грците со ниски примања беа 2.78 милиони.