Во петокот продолжи исплатата од страна на Владата на надомест за штетите од временските непогоди кои се случија годинава.
Исплатени се 2,3 милиони денари на 105 лица од Радовиш, Охрид и Кратово.
Во петокот, исто така, се исплатени 1,9 милиони денари субвенции на сточари за одбележани грла говеда.
Како што информираа од министерството за финансии, Владата и натаму ќе продолжи со обесштетување на граѓаните кои претрпеа штети од невремето годинава, како што претходно ветија нејзините претставници.
