Во Русија денес стапи на сила законот за банкрот на физички лица.
Како што јави Интерфакс, до 11 часот по Московско време веќе се поднесени 108 барања за банкрот- 79 поднеле банките, а 29 физички лица.
Рускиот закон му дава право на секој должник, независно од висината на долгот, да биде прогласен за платежно неспособен, но на суд мора да докаже дека навистина е платежно неспособен.
Барање за прогласување на банкрот на физичко лице, можат да поднесат и банките, но само доколку долгот е поголем од 500.000 рубљи (6.800 евра), и ако должникот најмалку три месеци не ги плаќа доспеаните рати.
