Винерлајф во партнерство со ВФП Фонд менаџмент го создаде новиот производ Лајфинвест кој што претставува спојување на животното осигурување и вложување во инвестициски фонд чии акции котираат на американската, швајцарската и германската берза. Ова е прв и единствен од овој вид производ во Македонија, а меѓу првите и во регионот.
Лајфинвест е производ кој што отвора нови можности и бенефиции за осигурениците, така што корисникот е животно осигуран но истовремено станува и инвеститор во хартии од вредност на реномирани светски компании.
„ВинерЛајф како дел од VIG групацијата на македонскиот пазар се обидува да ги донесе сите производи кои им се на располагање на граѓаните во развиените европски земји. Токму овој производ е дел од таа наша заложба. Како еден од поатрактивните осигурителни производи на странските пазари, посебноста што ја постигнува во Македонија е тоа што корисникот, физичките лица кај нас ја имаат ретката можност да вложат преку вредноста на акциите на најголемите светски компании и на тој начин да бидат во добивка за принос што може да биде значајно поголем од износот кој се добива со штедење во банка“, изјави Дарко Дедиќ, претседател на Управен одбор на ВинерЛајф.
Лајфинвест е единствен производ на македонскиот осигурителен пазар што ги претставува пред граѓаните огромните можности на Unitlinked производите, односно средствата се вложуваат во инвестициски фонд во водечки светски компании чии акции котираат на американската, швајцарската и германската берза.
„При создавањето на овој производ го имавме искуството и знаењето од другите пазари каде успешноста се покажа како многу голема. Инвестициските фондови и странските пазари на хартии од вредност не се толку блиски, посебно за граѓаните на Македонија па токму затоа овој заеднички производ е чекор понапред во информирање на граѓаните за бројните можности што ги имаат со проширувањето на понудата со различни и атрактивни производи“, изјави Магистер Руперт Штробл, Генерален Директор на WVP group од Австрија и Претседател на Одборот на Директори на ВФП Фонд Менаџмент.
Новиот производ Лајфинвест е веќе достапен во сите филијали на ВинерЛајф и партнерот за посредување и продажба, осигурителното брокерско друштво ВФП АД Скопје, каде што граѓаните можат да добијат и подетални информации.
Винер Лајф – Виена Иншуренс Груп Скопје е осигурителната компанија за животно осигурување, основана во 2011 година, како дел од осигурителната групација Vienna Insurance Group. Vienna Insurance Group е водечка осигурителна групација во Централна и Источна Европа во која оперираат над 50 осигурителни компании со годишна премија од над 9 милијарди евра. Македонската компанија во својата деловна стратегија се придржува кон строгите и прецизни деловни принципи. Со квалитетните и конкурентски производи, Винер Лајф на своите клиенти им нуди финансиска сигурност и гарантира целосна безбедност на инвестираните средства.
ВФП Фонд Менаџмент АД Скопје, Друштво за управување со инвестициски фондови, е дел од групацијата за финансиско советување WVP Group од Грац, Австрија. WVP како групација е пионер во полето на напредни финансиски услуги, застапена на просторот на голем дел од Европа. Основана во 1985 во Грац, Австрија својата иновативност ја промовира и надвор од границите на Австрија каде прераснува во препознатлив бренд со докажана доверба. WVP Group е лидер во посредување и продажба на осигурителни и финансиски продукти во 15 земји во Централна и Југоисточна Европа со повеќе од 30 години искуство.
