На први октомври, четврток, со почеток во 12 часот, во хотелот Александар Палас, ќе се одржи Шестиот бизнис форум во организација на Капитал и Бизнис плус, на кој што ќе земат учество истакнати претставници на деловната и политичка заедница од Македонија и регионот.
Панелистите на Форумот, меѓу кои и повеќемина сопственици и директори на големи компании од Словенија, Хрватска, БиХ и други земји од Балканот, ќе дискутираат за неколку теми од исклучително значење за економската благосостојба на државите и бизнисите од регионов:
-Нови инвестиции во извозни проекти; Успешни примери на регионални поврзувања и интеграции; Како до поефикасен транспорт и логистика; Потенцијалот на агро – бизнисот во регионот; Турција како земја бизнис партнер.
На Форумот ексклузивно ќе биде претставено и најновото издание на специјалната едиција „Топ 200 најголеми и најуспешни“ на Капитал Медиа Гроуп.
На отворањето на Форумот, меѓу другите, ќе се обратат и министерот за надворешна трговија и економски односи на Босна и Херцеговина, Мирко Шариќ и заменикот на претседателот на Владата на Р.Македонија задолжен за европски прашања, Фатмир Бесими.