Хотел Руссиа се здоби со уште едно признание за најуспешен хотел на 2015-та година во категорија „нова туристичка понуда во хотелиерството“. Наградата беше доделена од страна на Министерството за економија по повод „Светскиот ден на Туризмот“.
„Секоја награда е само поттик за наше подобрување и унапредување. Убедена сум дека во хотелиерството во Р.Македонија има уште простор за развивање и унапредување. Ние како хотелски комплекс растеме секојдневно, се надградуваме и усовршуваме. Со гордост можам да истакнам дека хотел Руссиа за само една година од своето постоење успешно се позиционира на домашниот пазар и меѓународно се етаблира“, изјави г-ѓа Виолета Анѓелковска, директор на хотел Руссиа и додаде: „Според нашите анализи 95% од гостите кои престојуваат во нашиот хотел се странски гости, а само 5% се домашни гости. Ова е показател дека веќе сме препознатливи по квалитетот на услугите кои ги нуди хотелот. Оценка за тоа е посетата и престојот многубројните странски гости. Тука посебно би сакала да го истакнам и претстојот на спортските клубови. За 1 година во нашиот хотел престојувале над 40 спортски екипи од цел свет. Показател за успехот на нашата работа се и признанијата и наградите кои ги добивме оваа година и тоа: Награда за најдобра архитектура за 2014-та година, Награда за најдобар штанд на 5-тиот саем за Меѓународен туризам за 2015-та, Награда за најдобар промотор за 2015-та и награда за Гранд Спа инвестиција за 2015-та“.
Хотел Руссиа е софистициран и модерен дизајнерски хотел со 4 ѕвезди. Располага со 61 соба и апартмани со елегантен декор и модерен мебел. Сите соби се комплетно звучно изолирани и климатизирани, со телевизија која вклучува повеќе од 60 интернационални канали, мини бар, бесплатно WI-FI. Покрај тоа хотелот располага со други додатни содржини: ресторан, спа центар (Anne Semonin) кој располага со 22 метарски базен, инфраред и финска сауна, турска и парна бања, џакузи и топли лежалки, спортско медицински центар Кинетикус, фитнес центар, тениски игралишта, падел тенис, игротека, перална за автомобили и располага со сопствен паркинг.
Како и секогаш хотел Руссиа следејќи ги европските и светските трендови, сака да изненадува со нови содржини кои се уникатни, препознатливи и различни, каде на посетителите и гостите можат да им приредат едно поинакво искуство. „Скај барот“ е најновата содржина на Хотел Руссиа и е нешто сосема ново и не видено на нашите простори, каде што буквално гостите може да се опуштат и при тоа да уживаат во во најубавиот поглед на панорамата на градот Скопје. „Скај барот“ нуди префинета селекција на вина и јадења изготвени од врвни мајстори. Погоден е за прослава на различни деловни и семејни прослави, каде покрај различната интернационална храна, гостите ќе добијат и високо професионална услуга.
