Русија соопшти дека од 25 октомври ќе го затвори својот воздушен простор за украински воздухопловни компании, како одговор на иста таква мерка која Украина претходно ја воведе за два руски авиопревозника.
Врз основа на инструкција на рускиот премиер Дмитриј Медведев, од руската Федерална сообраќајна агенција е побарано „да ги информира украинскиот авиокомпании кои летаат за Русија дека од 25 октомври ќе им биде забрането да го користат рускиот воздушен простор“, јави агенцијата Тас.
Оваа мерка претставува одговор на минатонеделната одлука на украинските власти, кои им забранија на руските компании Аерофлот и Трансаеро да летаат за Украина, исто така од 25 октомври.