Претседателот на Република Македонија, Ѓорге Иванов, во вторник, ќе го додели признанието „Орден за заслуги за Македонија“ на Институтот за земјотресно инженерство и сеизмологија(ИЗИС), при Универзитетот „Св. Кирил и Методиј“, Скопје.
Институтот за земјотресно инженерство и сеизмологија се одликува со „Орден за заслуги за Македонија“ по повод 50 години од неговото основање, а особено за постигнатите исклучителни резултати во својата научна и апликативна дејност во областа на земјотресно инженерство во земјата и во странство, со што даде значаен придонес во смалувањето на сеизмичкиот ризик, заштита на човечките животи и материјални добра и афирмација на македонските научни достигнувања во светот.
