Градежните екипи на АД „Карпош“ ги завршија сите градежни работи на улицата „Црногорска 2“ која води кон ѓорчепетровските гробишта.
Со реконструкцијата улицата е широка шест метри. Во тек е изградба и на тротоари со широчина од 1,5 метри.
Оваа улица е долга 190 метри и е една од најфрекфентните улици во општината. До сега движењето по истата беше отежнато заради лошата состојба и многуте оштетувања на старата асфалтна подлога. Непостоењето на тротоари исто така претставуваше голем проблем за погребни поворки особено за време на врнежи.
Со реконструкцијата на улицата саниран е и преминот преку железничката пруга која ја дели улицата на половина. Воедно поставено е и улично осветлување кое до сега го немаше. Оваа улица е од проектот „16 нови улици во Ѓорче Петров“.
