Германскиот сојузен суд за правда ја отфрли тужбата на домашната компанија „Haribo“ која веќе со години води спор против швајцарскиот кондиторски производител „Lindt&Sprungli“.
Германскиот „Haribo“ води спор поради наводното копирање на неговите гумени мечиња.
Чоколатцата на „Lindt“ обликувани како мечиња, во златна фолија, со црвен шал околу вратот, не претставуваат ниту обид за копирање на златното мече, кое е заштитна марка на „Haribo“ ниту незаконска имитација на неговите гумени производи, наведе судот во соопштението, пренесува швајцарскиот весник 24 часа.
Оваа правна битка е започната на крајот на 2012 година.
Чоколадото на „Lindt“ дизајнирано како златно мече, под називот „Lindt Teddy“, на германскиот пазар се појави есента 2012 година, во пресрет на прославата на Божиќ.