Реалната плата во Германија во вториот квартал од годината се зголеми за 2,7 отсто во однос на истиот период лани, по најголема стапка од 2008 година, откако се собираат овие податоци, соопшти германскиот завод за статистика.
Номиналните плати во наведениот период бележат пораст на годишно ниво за 3,2 отсто. Притоа најизразен раст е во источна Германија и во категоријата слабо платени неквалификувани работи, покажува извештајот на Destatis.
Новообјавените податоци наведуваат на заклучок за значително влијание од воведувањето на миниалните плати во Германија од 8,50 евра по час од почетокот на годината, наведува Reuters.
Расот на реалните плати го поттикна и ниската инфлација, забележува Reuters. Во второто тромесечје според податоците на заводот за статистика потрошувачките цени во најголемата европска економија зголемени се за само 0,5 отсто, по стагнацијата во првиот квартал.
Три квартали по ред реалните плати во Германија растат по стапка поголема од два отсто.