Според информацијата од Македонија пат, добиена од АД „Илинден“, планираните активности (минирање) на патниот правец А2 Кичево-Охрид (планински премин Пресека – село Врбјани) кои беа закажани за денеска (вторник), се одложуваат, информираат од АМСМ.
Инаку, сообраќајот на патните правци низ државата се одвива по наместа влажни коловози.
Денеска во периодот од 7 до 19 часот за сообраќај ќе биде затворена Скопската обиколница.
Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата.
