Велосипедското дефиле по повод Денот без автомобили ќе се одржи денес низ улиците на Скопје.
Стартот, како што е најавено, ќе биде пред Порта Македонија, а потоа велосипедистите ќе се движат по ул.Димитрие Чуповски – бул. Климент Охридски – бул. Партизански одреди, се врти кај Влае- кружниот тек – бул. Партизански одреди – бул. Илинденска – Школка, Градски Парк, која е во должина од 10 км
Заменик министерот за животна средина и просторно планирање Стево Темелковски ќе се обрати на завршниот настан од Европската недела на мобилност (Школка, Градски Парк) заедно со градоначалникот на Град Скопје Коце Трајановски и Мартин Клауке, раководител на секторот за соработка во Делегацијата на ЕУ во РМ.
По обраќањата ќе следува забавна програма како и извлекување на добитниците на лотаријата, на кои ќе им бидат доделени велосипеди како симбол на користење на алтернативни превозни средства.
