Украина од руската компанија Газпром ќе побара поврат 16 милијарди долари кои ги има преплатено за гасот и неговиот транспорт, рече во петокот во украинскиот парламент, премиерот Арсениј Јацењук.
Тој најави дека Украина ова барање ќе му го предаде на Арбитражниот институт на трговската комора во Стокхолм.
Јацењук додаде и дека Русија во ова тело го предала барањето за оштета кон Украина во висина од 27 милијарди долари, поврзано со договорната клаузула „земи или плати“.
Според ваквото начело, потрошувачите мораат да го платата гасот без разлика дали тој бил физички испорачан или не. „Ова руско барање сметаме дека е без основа“, истакна Јацењук.
Газпром претходно објави дека пресудата на арбитражниот суд се очекува до крајот на јуни 2016 година. Во јули оваа година, Газпром ги утврди побарувањата од украински Нафтогаз на 29,2 милијарди долари.
