Цената на сировата нафта би можела да остане на ниско ниво во следните 15 години, сметаат аналитичарите на американската инвестициска банка Goldman Sachs.
Постои околу 50 отстотна можност цената на нафтата да падне за 20 долари, откако во ноември ќе дојде до редовно затворање на рафинериите поради одржување, рече во интервју за Bloomberg, Џефри Кари, раководител на истражувањето за стокови пазари во Goldman Sachs.
Долгорочната прогноза на цената на нафтата е на околу 50 долари.
Goldman Sachs ја намали прогнозата на цената на нафтата на светските берзи претходно во овој месец, бидејќи моментните вишоци се покажаа поголеми од очекуваното, додека производството не опадна доволно брзо за да се намали понудата.
