Во Големата Сала на Град Скопје беа презентирани резултатите од Проектот Тренинзи за напредни ИКТ вештини реализиран од страна на Њу Менс Бизнис Акцелераторот а поддржан од страна на ЈЕС мрежата на УСАИД и Локалниот економски социјален совет на Град Скопје (ЛЕСС).
Проектот беше реализиран во периодот од Јануари до Јули 2015 година и со истиот беа опфатени вкупно 15 невработени лица на возраст од 19 до 27 години со различно формално образование, и истите учествуваа на интензивни обуки од 3 области: Моделирање и 3Д анимација, Графички и Веб дизајн и Развивање на Веб и Клауд апликации. Вкупно беа одржани 214 часа обука кои освен разивање на технички и стручни вештини опфаќаа и развивање на кариерни вештини за полесно вработување.
Проектот го поддржаа и технолошки и креативни компании од Македонија чии претставници кои учествуваа во дефинирањето на програмите, како: Фх3х, ИБОРН, Вокс Тенео, Феро Инвест, Модулар. Овие компании подоцна понудија и дво месечни пракси за учесниците кои резултираа дури 14 од 15те учесници (93 % од учесниците) да добијат понуди за работа и да обезбедат вработување.
Сертификатите на сите учесници заеднички ги доделија Градоначалникот на Град Скопје г-дин Коце Трајановски и Директорот на УСАИД мисијата во Македонија Џејмс Стајн, а присутните ги поздравија и Директорот на ЈЕС мрежа на УСАИД Ѓорги Кушевски и претседателот на ЛЕСС на Град Скопје Тихомир Климоски.
Редовните програми на Њу Менс Бизнис Акцелераторот се изведуваат во период 9 месеци во 6 различни области: Развивање на Веб, Клауд и Мобилни апликации, Развивање и дизајн на компјутерски игри, Графички и Веб дизајн и Нови медиуми, 3Д Моделирање, Анимација и Визуелни ефекти, Компјутерски мрежи и сајбербезбедност и се составени од 6 месеци обука (вкупно 472 часа) и 3 месеци пракса во компании. Уписите за генерацијата 2015/16 се отворени до крајот на месец септември а програмата стартува на средината на месец октомври. Во рамки на сите редовни програми учесниците имаат можност да посетат и 2 неделен едукативен и практичен камп во Соединетите Американски Држави (Сан Франциско и Лос Анџелес) каде одат на посета на компании од светски ранг како Гугл, Рапид7, Близард, Аутодеск Истражувачките центри на НАСА, бројни иновативни компании и старт-ап компании, со цел да се запознаат со модерните начини на работа и истите потоа да можат да ги применат во компаниите од Македонија или пак да се одлучат за отпочнување на сопствен бизнис.
