Приходите од продажба на „Oracle Corp.“ се намалија повеќе од очекуваното во првиот квартал, а причина за тоа беше силниот долар и континуираниот пад на продажбата на лиценциран софтвер. Компанијата предупреди дека нејзините приходи може да паднат во сегашниот квартал, дури и при константна валута, пренесува „Ројтерс“.
Слично на своите конкуренти „SAP“, „IBM“ и „Microsoft“, „Oracle“ се стреми да ги стимулира базираните интернет продажби, за да го стигне најбрзорастечките конкуренти, како „Salesforce.com“.
Но аналитичарите претходно изјавија дека бизнисот на „Oracle“ со софтверот кој е поврзан со облачните услуги, расте доволно брзо за да се справи со намалувањето на продажбата на лиценцираниот софтвер на 38-годишната компанија. Овој пад се должи на различни причини – од бавното прифаќање на софтверот од корисниците до големата конкуренција.
Приходите на „Oracle“ се намалија за 1,7% до 8,45 милијарди долари во текот на кварталот кој заврши на 31-ви август, откако не успеаја да ги оправдаат очекувањата на аналитичарите за третиот последователен квартал.
Продажбата се зголеми за 7 отсто во постојана валута. Прогнозата на „Oracle“ за нејзините приходи во сегашниот квартал e дека тие се разликуваат меѓу пад од 2% до раст од 1%.
Нето добивката на компанијата се намали за 20% или до 1,75 милијарди долари во првиот квартал. Ако се изземат одредени елементи, нејзиниот профит е 53 центи по акција, што е повеќе од очекуваните 52 центи по акција од страна на аналитичарите.
Приходите од продажбата на „Oracle“ софтверот за облачни услуги и платформи како услуги се зголемија за 34 проценти или до 451 милиони долари. Лиценците за традиционален софтвер сепак се намалија за 16% или до 1,51 милијарди долари.
„Wall Street“ очекуваше облачните услуги да донесат 35% зголемување на продажбата, а лиценците на софтвер да се намалат за 17% според „RBC Capital Markets“.