Изградба на нова болница во Штип и темелни реконструкции на болницата „Свети Еразмо“ во Охрид, на болниците во Битола и Прилеп, на Клиничката болница за хируршки болести Свети „Наум Охридски“ во Скопје и реконструкција на болницата во Кичево, којашто е веќе започната, најави премиерот Никола Груевски.
„Се работи за инвестиција од околу 40 милиони евра која ќе се заврши во наредната една година“, изјави Груевски.
Реконструкцијата на петте и изградбата на нова болница во Штип треба да почнат до крајот на годината и да завршат за период од околу една година.
Тој најави седум нови детски градинки до крајот на годинава и нова спортска сала во Домот за деца без родители „11 Октомври“ вредна 28 милиони денари.
