Компанијата Мекларен актуелната финансиска година ја заврши со загуба, но тие очекуваат дека следната ќе биде профитабилна.
Мекларен објави загуба
Мекларен во 2012-та година, која завршува на 31-ви март, ќе забележат загуба од 10 до 12 милиони фунти. Директорот на фирмата, Мајк Флуит го потврди резултатот, но истакнува дека сепак не е така страшно како што изгледа, затоа што тие имале многу големи инвестиции во нови производи и во проширувањето на продажната мрежа.
„Ние сме малку пред работните планови кои ги предвидовме, но очекуваме во 2013-та година да имаме повеќе профит, а исто така тој раст да продолжи и во следните години“, истакнува Флуит.
На саемот во Женева компанијата го претстави хибридниот супремодел П1, кој ќе чини 1.07 милиони евра, а ќе биде направен во 375 примероци.
Мекларен во 2010-та година го лансираше моделот МП4-12ц, а малку подоцна истиот го претстави и во кабриолет верзија. Минатата година компанијата продаде 1400 автомобили, а во февруари ги објавија резултатите за 2011-та година и прикажаа загуба од 69 милиони фунти, пред да го платат данокот.
Оваа англиска компанија оваа година слави 50 години од своето постоење, а јубилејот ќе биде одбележан со церемонии во текот на целата година.