Генералниот Директорот на Јавното претпријатие Македонски железници Инфраструктура, Ирфан Асани, присуствува на меѓународната конференцијата за напредокот на безбедноста на железничкиот сообраќај која се одржува во Салцбург, Австрија.
Oваа конференција е една од поважните од овој вид во железничкиот сектор во Европа и светот, а е организирана од австриските железници за транспорт и инфраструктура, учество земаат претставници и директори од повеќе железнички компании од светот.
Целта на оваа конференција е зајакнувањето на сигурноста во железничкиот сообраќај во Европа и светот, како и намалување на сообраќајните несреќи.
За сигурноста во железничкиот сообраќај во Европа и светот говореа директорите на австриските, јапонските железници, како и директорите на ЦФФ, ФФС и многу други.
Директорот Асани во своето обраќање пред присутните истакна дека сигурноста на железничкиот сообраќај во Македонија е на високо ниво.
Според него, со последните инвестиции кои ги прави МЖ Инфраструктура се настојува железничкиот сообраќај во Македонија да биде најбезбеден во регионот и пошироко.
Асани во рамките на овој собир се сретна со голем број на директори на европски и светски железнички компании.
