На повеќето азиски берзи цените на акциите во вторникот паднаа, бидејќи вложувачите се претпазливи пред одлуката на американската централна банка за каматните стапки и бидејќи кинеските берзански индекси и натаму се во надолна линија.
На токиската берза Nikkei индексот во претпладневното тргување беше во плус во 0,8 отсто, додека цените на акциите во Јужна Кореја пораснале за 0,3 отсто. Меѓутоа, берзанските Хонгконг, Сингапур, Сиднеј и Шангај, се лизнаа меѓу 0.1 и 2,6 отсто, па MSCI индекси азиско-пацифички акции, без јапонските, во вторникот беше во минус 0,5 отсто.
Под најголем притисок беа цените на акциите во Шангај, кои и во вторникот претпладнето како и во понеделникот паднаа за повеќе од 2 отсто. Тоа е последица од загриженоста на инвеститорите поради забавувањето на растот на кинеската економија, па не се охрабрени ноти од најавата на кинеските власти за новите поттикнувачки мерки.
Лошо на азиските берзи влијае и понеделничкиот пад на цените на акциите на Волстрит, бидејќи тамошните инвеститори не сакаат да ризикуваат пред седницата на челниците на американската централна банка, која седмицава ќе одлучува за каматните стапки.
Бидејќи американската економија стабилно расте, банката би можела да ја зголеми цената на парите. Но, од друга страна, пак, поради потресите на финансиските пазар предизвикани од неодамнешната повеќекратна девалвација на кинескиот јуан и слабеењето на тамошната економија, Fed би можела да го одложи зголемувањето на каматите до крајот на оваа или почетокот од следната година. Доколку се случи тоа, би било нивното прво зголемување од 2006 година, па пазарот би го загубил инструментот кој со години наназад го поттикнуваше растот на цените на акциите.
И на валутните пазари владее претпазливост, додека се очекува одлуката на американската централна банка. Во вторникот беше завршена дводневната седница на јапонската централна банка, којашто, како и што беше очекувано, не резултираше со промена во политиката. Но централната банка предупреди дека забавувањето на побарувачката во земјите во развој го одржува јапонскиот извоз и производство, што според аналитичарите може да се толкува како најава за новите поттикнувачки мерки.
Курсот на американскиот долар во вторникот претпладнето благо зајакна кон јапонската валута, па се движи околу 120,05 јени, додека во понеделникот во истиот период од денот изнесуваше 120,40 јени. Доларот благо зајакна и во однос на еврото кои изнесува 1,1315 од вчерашните 1,1345 долари.
На нафтените пазари, пак, цените малку пораснаа откако во понеделникот беше објавен извештајот кој покажа дека резервите на нафта во САД минатата седмица паднале. Благодарејќи на тоа, во вторникот претпладнето цената на барел на американскиот пазар порасна за 0,4 отсто, на 44,15 долари, откако во понеделникот падна за 1,4 проценти. На лондонскиот пазар барелот поевтини, пак, 0,2 отсто, на 46, 30 долари, по претходниот пад на цената за 3,7 отсто.
