Европската централна банка (ЕЦБ) планира бројот на службеници да го зголеми за повеќе од една петтина, поради најавеното заострување на контролата над банкарскиот сектор во еврозоната.
„Планот е да се вработат уште 230 службеници“, изјави еден од неименуваните извори запознаен со ситуацијата“, пренесува Ротерс.
Вработувањето на дополнителни службеници, од кои две третини ќе бидат ангажирани наредната година, а остатокот во 2017 година, настапува во момент кога под надзор на ЕЦБ доаѓаат уште некои банки.
Планот за вработување е доказ за настојувањето на ЕЦБ да го стави под контрола банкарскиот сектор на еврозоната, кој предизвика финансиска криза загрозувајќи ги националните финансии и заканувајќи и се дури и на единствената европска валута, еврото, наведува Ројтерс.
ЕЦБ веќе потроши 300 милиони евра за формирање на еден елитен тим службеници кој ќе биде задолжен за надзор на водечките банки во еврозоната, а најголем дел од тие средства се потрошени на плати за околу 1.000 вработени.
