Просечната сметка за кабловска телевизија во САД достигна рекордни 99.10 американски долари во оваа година, што е за 39% повеќе во споредба со 2010-та година, покажуваат податоците од истражувањето на „Leichtman Research Group“.
Сепак се намалува бројот на домаќинствата, претплатеници на кабловска телевизија, па тој е 83% во однос на 87% пред пет години.
Во меѓувреме стравувањата дека повеќе луѓе ќе се откажат од платените кабелски услуги силно ги намалија акциите на медиумските компании.
Акциите на „Viacom“ изгубиле 32% од својата вредност во последните три месеци, а оние на „Twenty-First Century Fox“ се поевтини за 18%, во позадината на падот во поширокиот индекс „S&P 500“ од 5%.
Според кабелските оператори повисоките цени на услугите се поради тоа да им се понудат најдобрите програмски содржини на потрошувачите. Просечниот број на канали се зголемил од 151 во 2010-та година до 189 во 2013-та година. Според многу од пазарните аналитичари трошоците на кабелските компании се намалиле значително и тоа покажува дека тие во голема мера ги игнорираат и погрешните проценки на феноменот на „откажување од кабелска телевизија“.
Околу половина од корисниците кои не се претплатени на кабловска телевизија, или 9% од домаќинствата се претплатени за најмалку една онлајн стриминг компанија, како „Netflix“ или „Amazon“. Услуги како оние понудени од „Verizon – Go90“, или основната услуга на „Hulu“, се ослободени од реклами.
Најголемиот предизвик пред кабелската индустрија е помладата генерација која и така не се претплатници на услуга на традиционалните кабелски оператори.
