Меѓународниот саем за широка потрошувачка, Агрофуд 2015 оваа година ќе се претстави со голема есенска саемска манифестација која овој пат ќе се одржи од 1-ви до 4-ти октомври, на Скопски саем, а влезот ќе биде бесплатен.
Новитет оваа година е тоа што сите учесници на Агрофуд 2015, кој воедно ќе има нов продажен аспект, ќе ги претстават своите диверзифицирани палети на разни производи и услуги од органското производство во Македонија, со додаден акцент и на претставниците на конзервната индустрија.
Сите заинтересирани посетители ќе имаат шанса да купат зимница изготвена од природни состојки според најстроги законски стандарди и да ги дополнат своите резерви за претстојниот зимски период со специјални македонски вкусови.
Агрофуд 2015 ќе биде саем кој на едно место ќе ги собере сите учесници и спонзори на здравата и природна македонска храна, а воедно ќе претставува и настан кој во ново руво, преку поблизок и помодерен пристап, ќе ја најави есента со најдоброто од Македонија како за произведувачите, така и за потрошувачите.
На изложбено-продажните штандови освен прехранбените производи како храна, пијалаци и стоки за широка потрошувачка, ќе можат да се разгледаат и набават најразновидни и најнови машини и опрема за амбалажирање и внатрешен транспорт.
