Само три возови кои ќе превезуваат мигранти ќе сообраќаат во четврток во Македонија, додека другиот патнички и товарен железнички сообраќај е во прекин, поради штрајкот на машиновозачите што почна во среда попладне, а кои бараат исплата на јулските плати.
Бојкотот е поради доцнењето на исплатата на платите, материјалните трошоци и здравственото осигурување за јули и за август, за што машиновозачите бараат средба со премиерот Никола Груевски.
Тие не се задоволни од досегашните разговори со раководството на МЖ Транспорт и со ресорното министерство.
Од Железничката станица во Скопје потврдуват дека не сообраќа ниту еден воз, додека според дел од синдикатите во МЖ Транспорт, пуштени се само три воза за транспорт на
мигранти.
„Нема да ги исполнуваме работните задачи се додека не се оствари средбата што ја бараме, и не се исплати во целост платата за јули. За платата за август бараме почитување на законските одредби за исплата најдоцна до 25 овој месец“, изјави претседателот на НСМПМ Душко Чакаровски.
