Според програмите за изградба, реконструкција и одржување на локални патишта, во населеното место Булачани за подобрување на патната инфраструктура во тек е асфалтирање на улици во должина од околу еден километар.
Работите ги изведува фирмата Жикол, а за овие активности од Буџетот на општината ќе бидат потрошени околу 2.000.000,00 денари.
Градоначалникот Тони Трајковски денеска присуствуваше на почетокот на асфалтирањето на улиците во Булачани, каде најави продолжување со овие активности и во останатите населени места во општината.
