Кошаркарската репрезентација на Македонија доживеа нов убедлив пораз од Шпанија во подготвките за настап на Европското првенство. Шпанија, во Логроњо, славеше над Македонија со 88:54 (27:15, 18:10, 19:16, 24:13). Македонската репрезентација во досегашниот дел од подготвките има одиграно осум натпревари, на кои има забележано четири победи и исто толку порази.
Натпреварот во Логорњо имаше идентичен тек како и оној пред три дена во Мадрид, кога Шпанија исто така запиша убедлив триумф (94:63).
Составот на селекторот Марјан Србиновски одново одигра лошо во одбраната и катастрофално во нападот, за два поени реализицијата беше 40 отсто (17/43), а за три скормни 21 отсто (4/19). Шпанците имаа контрола и доминација во скок играта каде остварија 16 скокови повеќе (21/37).
Инаку овој дуел мина во знакот на Пау Гасол, тој постигна 16 од првите 18 поени на својот тим, а мечот го заврши со 26 поени и 13 скокови.
Шпанците водеа со 18:11 по седум минути игра, во осмата минута стигнаа до двоцифрена предност (24:13), а во финишот на првата четвртина имаа и максимални 14 поени предност во тој дел од играта (27:13).
Во вториот период Македонија успеваше да држи приклучок се до последната минута кога Шпанците стигнаа до предност од 20 поени (45:25).
До нова максимална предност ‘црвента фурија’ стигна во 34-та минута (71:45), а до крајот на овој период Македонија успеа да ја спушти предноста на противникот на 23 поени (64:41).
Последниот период во кој Гасол повеќе не влегуваше во игра Шпанците лесно го одработија, а ја искористија лошата реализиција на македонските кошаркари во последните четири минути кога имаа позитива најпрвин од 31 поен (80:49), а потоа и од 34 поени (85:51).
Војдан Стојановски беше единствениот играч кај Македонија кој постигна двоцифрен број на поени, мечот го заврши со 10 поени, девет постигна Хендрис, осум Трајковски, а седум Самарџиски.
Кај Шапнија покрај Гасол двоцифрен број на поени постигнаа Сам Еметерио (15), Миротиќ (14) и Серхио Родригез (12).
Македонија до стартот на ЕП ќе одигра уште два контроли натпревари и тоа против Латвија на 28-ми и 29-ти август.
