Малопродажните цени на бензните ноќеска на полноќ се намалуваат за три денари по литар, додека цената на дизелот се намалува за два денари, одлучи Регулаторната комисија за енергетика.
Согласно одлуката, новата цена на литар еуросупер БС-95 изнесува 64 денари, а на литар еуросупер БС-98 ќе чини 66 денари.
Литар еуродизел, Д-Е V ќе се продава по 49 денари, екстра лесното масло за домаќинство (ЕЛ-1) по 37,50 денари.
Малопродажната цена на мазутот М-1 НС се намалува за 2,527 ден/кг, и со тоа цената на М-1 НС ќе изнесува 20,76 денари за еден килограм.
Просечната цена на сурова нафта на светскиот пазар во изминатиот 14-то дневен период и е за 7,99% пониска од просечната цена на сурова нафта по која беа формирани тековните цени на нафтените деривати.
Курсот на денарот во однос на доларот во наведениот период се намалила за 1,35 % (55,9955 усд/мкд) по кој беа формирани цените.
Референтните цени на нафтените деривати на светскиот пазар во споредба со изминатиот четиринаесетдневен период бележат намалување кај бензинот во просек за околу 5,96% или за, кај дизелот намалување во просек за околу 3,02% и кај мазутот намалување во просек за околу 9,94%, се наведува во образложението на регулаторите.
