Со почеток од 18 часот ќе започне да се раскажува приказната од средновековниот период, кој е возбудлив, мистериозен и неверојатно забавен.
Витези, замоци, принцови и принцези, борба и многу адреналин ќе бидат главните карактеристики на ,,Детско кралство”, кое започнува утре, а ќе трае до 15ти септември.
Сите дечиња од 6 до 11 години ќе имаат можност да го доживеат светот на храбрите витези, да пропатуваат назад во времето, да учествуваат во херојски битки и да јаваат на змеј!
Ова е јавен апел до сите родители да ги донесат своите деца утре, од 18 часот во Скопје Сити Мол, за да бидат дел од оваа атракција од средновековниот замок, катапулт, змеј, знамиња, штитови и оружја преку интерактивни детски игри и турнири.
Првите 40 деца кои ќе се пријават на ИНФО ПУЛТОТ, ќе добијат бесплатна тура во кралството и ќе бидат првите мали принцови и принцези, учесници во големото отворање.
