Затворените банки во Кипар поради финансиската криза почнаа да создаваат проблеми на пазарот, продавниците не се снабдуваат нормално со стоки, целосно замре продажбата на облека, обувки и автомобили, а бензиските пумпи точат бензин само за готовина, без да примаат кредитни картички, пишуваат денеска весниците во Никозија.
Пазарот е „мрачен“, луѓето купуваат оскудно и никој не знае што ќе следи, бидејќи банките ќе останат затворени и во наредните денови. Проблеми има и кај дистрибутерските компании.
Гориво има доволно, изјави претседателот на Сојузот на бензиски станици Стефанос Стефану, повикувајќи ги потрошувачите да не се вознемируваат.
