Македонскиот премиер Никола Груевски е во посета на општините Дебар, Центар Жупа и Маврово Ростуше.
Тој посетата ја започна во Маврови Анови каде што заедно со министерот за транспорт и врски Владо Мисајловски, го означи почетокот на реконструкцијата на регионалниот пат Ново Село – Маврово во должина од 11 километри за кој ќе бидат инвестирани 2,5 милиони евра.
Градежните работи се очекува да завршат за околу една година, а по завршувањето на оваа прва фаза, планирана е и реконструкција и рехабилитација на патот преку Маврово кон Жировница и Дебар. Целокупната инвестиција на овој проект се проценува на осум милиони евра, а должината на целиот пат којшто ќе биде реконструиран е 20 километри.
Потоа премиерот Груевски заедно со градоначалникот на оваа рурална општина Мукрем Мехмеди имаше средби со населението во селата на Долна Река – Жировница, Ростуше, Скудриње и други.
Се очекува потоа да ги посети селата Новак и Центра Жупа во Жупа како и селото Долно Косоврасти и Мелнички Мост во општина Дебар, каде ќе има средба со населението.
