Градоначалникот на Дебар Ружди Лата на средбата со претставниците на јавните институции и со претставниците на ЈКП Стандард, кое стопанисува со водоводот Росоки – Дебар, побара итни мерки за спречување на злоупотребата на водата за пиење за наводнување на земјоделски површини.
Тој рече дека во градскиот водовод пристигнуваат 150 литри во секунда, но повеќе делови од градот немаат вода за пиење по неколку часови.
Лата најави мерки против сите оние кои со водата за пиење наводнуваат. Во Дебар делови на градот немаат вода и по 8 часа.
Лата по првата средба одржана деновиве со претставници на полицијата и инспекциите искажа незадоволство од мерките до сега бидејќи повторно се продаваат земјоделски и сточарски производи на тротоарите.
Поради оваа состојбата побара веднаш од страна на службите да ги стопираат овие активности.
