Американскиот гигант „Kraft Heinz“ формиран со интегрирање на „Kraft Foods“ и производителот на кечап „Heinz“ најави затворање на 2.500 работни места во САД и Канада.
Компанијата настојува да ги намали трошоците по спојувањето во март оваа година.
Двете компании во март објавија програма за спојување вредна 46 милијарди долари, со која е создадена третата најголема прехрамбена групација во Северна Америка, пренесува Ројтерс.
Новиот ентитет за своја цел го утврди намалувањето на трошоците за околу 1,5 милијарди долари годишно до 2017 година.