Акциите на атинската берза паднаа во понеделникот за 22,87 отсто, откако берзата беше отворена по петнеделна пауза.
Четирите најголеми грчки банки Пиреус Банка, Националната банка на Грција, Алфа банка и Еуробанка, се во пад од 30 отсто.
Банките сочинуваат околу петтина од главниот берзански индекс во Атина.
Берзата во Атина беше затворена на 29 јуни кога кулминираше должничката криза, заради што беше воведена контрола на капиталот за да се спречи колапс на банкарскиот систем.
Банките во меѓувреме се отворени, но е задржано ограничувањето за повлекување на пари.
