Јапонскиот производител на автомобили Хонда во првиот деловен квартал забележа скок на профитот од 20 отсто благодарејќи на слабеењето на јенот.
Слабеењето на јенот ги надомести загубите предизвикани од масовното повлекување на возилата заради дефект на воздушните перничиња.
Хонда во три месеца заклучно со јуни оствари нето профит од 186 милијарди јени, во однос на 155,6 милијарди од истиот период минатата година, пренесува агенцијата AP.
Приходите истовремено пораснале речиси 16 отсто на 3,7 билиони јени, пред сè благодарејќи на силната продажба, првенствено во Северна Америка.
