Поранешниот грчки министер за финансии Јанис Варуфакис предупреди дека Шпанија би можела да стане нова Грција, доколку и бидат наметнати истите мерки за штедење.
Варуфакис во интервјуто за шпанскиот весник El Pais, рече дека Шпанците би требало да ја анализираат својата економска и социјална ситуација и врз основа на тоа, да проценат што е потребно на нивната земја, независно од тоа што се случува во Грција или на некое друго место.
„Опасноста Шпанија да стане Грција е секогаш присутна и таа ќе стане стварна ако се повторат истите грешки што и беа наметнати на Грција“, предупреди Варуфакис.