Иран ги завршил преговорите со некои европски компании коишто сакаат да инвестираат во проекти во земјата откако беше постигнат нуклеарниот договор со шесте светски сили претходно месецов, изјави во четвртокот висок ирански функционер според кој вредноста на договорените зделки надминува две милијарди американски долари.
„Од неодамна сведоци сме на враќањето на европските инвеститори во земјата. Некои од тие преговори се заклучени и ги одобривме, па ги дадовме на одобрение на европските инвеститорите“, изјави заменикот министер за економија и финансии Мохамад Хазаеи на конференцијата организирана со цел да ја поттикне трговската размена меѓу Иран и Европската унија.
„Последните неколку седмици одобривме повеќе од две милијарди долари вредни проекти на европските компании во Иран“, прецизира Хазаеи.
