На листата на германскиот таблоид „Bild“ со приватизацијата со која доверителите на Грција би дошле до пари, се наоѓаат, марини, два владини авиони, 2.500 згради во сопственост на Министерството за култура и повеќе од 77.000 други недвижности во сопственост на грчката држава.
Грчката „RTV SKAI“ денеска објави дека „Bild“ на насловната страна пишува дека тие недвижности би можеле да вклучат и нов фонд за приватизација чие основање е наложено со минатонеделниот договор на Грција и останатите земји во еврозоната.
Спомнувајќи дека американскиот магнат Ворен Бафет купил еден остров во близина на Атина (како и глумецот Џони Деп), весникот пишува дека за продажба се државни плажи на Пелопонез, марините во Епидаурус и на островот Идри, пристаништата во Пиреј и Солун, стадионите изградени за Олимписките игри во 2004-та и поранешната американска база во Ираклија, на Крит.
Меѓу предлозите на „Bild“ се и 14 грчки регионални аеродроми.
Според договорот на Грција и останатите земји од еврозоната е предвидено во новиот фонд за приватизација да бидат вклучени и државни недвижности со чија продажба може да се дојде до 50 милијарди евра, од кои половина ќе бидат за рефинансирање на банките, четвртина за отплата на државниот долг и четвртина за проектите за развој.
Официјално се уште не е утврден списокот на државни недвижности кои се за продажба, затоа што се очекува тоа да биде дел од идните преговори на Грција и нејзините доверители за новиот, трет пакет на недвижности за помош во вредност од 80 милијарди евра.