Цените на акциите на европските берзи во понеделникот благо пораснаа на највисоко ниво за шест недели, а во фокусот беше финансискиот сектор со оглед дека денеска работат грчките банки, кои беа затворени на три недели.
FTSEurofirst индексот на 300 водечки европски акции околу 9,30 часот беше во плус 0,2 отсто, достигнувајќи ново највисоко ниво за шест недели.
Франкфуртски DAX, лондонски FTSE и париски CAC индекси беа околу 9,30 часот во плус помеѓу 0,1 и 0,3 отсто.
Најмногу, за 0,5 отсто изутрината зајакна банкарскиот сектор бидејќи инвеститорите ги охрабрува развојот на ситуацијата во Грција по договорот за реформи кои државата ќе ги спроведе за да добие нова меѓународна финансиска помош.
По три недели, грчките банки повторно се отворени во понеделникот, но со ограничување на подигнување на готовина. Нагорна корекција има кај стапката на ДДВ-то.
А на азиските берзи цените на акциите изутрината паднаа, па MSCI индексот на азиско-пацифичките акции, без јапонските, околу 9,30 часот беше во минус 0,5 отсто.
На Токијската берза денеска не се работи поради празник.
