Иако компанијата планираше до крајот на годината да го испрати во пензија својот најстар модел, производството на легендарниот теренец би можело да се продолжи и во 2016-та година.
Причината за евентуалната промена на одлуката од страна на „Land Rover“ е се уште големата побарувачка за „Defender“, a челниците на компанијата несакаат да ја пропуштат можноста да заработат на овој модел.
Британските медиуми пишуваат дека производството во фабриката Солихул би можело да биде продолжено до април 2016-та, пред конечно машините да бидат исклучени.
Претходно се појавија информации дека производството на „Defener“ дури може да се продолжи и во наредните години, но во некој од погоните во Индија, со оглед дека седиштето на сопственикот на „Land Rover“, компанијата „Tata Motors“, е токму во оваа земја.
Што се однесува до наследникот, тој би требало да се појави во продажните салони во 2018-та година.
Се шпекулира дека модерниот „Defender“ ќе се изработува во нова фабрика, сместена во некоја од источноевропските земји. Како кандидати се споменуваат Унгарија, Полска и Словачка.