Банката на Италија ја зголеми прогнозата за економскот раст на оваа земjа за 2015 и 2016 година, оценувајќи дека ултра лабавата монетарна политика во Европа и закрепнувањето на инвестициите ќе и овозможат на третата најголема економија во еврозоната да излезе од тригодишната рецесија.
Во својот тримесечен билтен, италијанската банка објави дека за тековната година очекува економски раст од 0,7 проценти, а за 2016 година 1,5 проценти, наместо 0,4 и 1,2 проценти, како што претходно прогнозираше, пренесува Ројтерс.
„За зголемување на прогнозата за раст не мотивираше позитивниот тренд на меѓународните конјуктори, кој во голема мера се должи на ефектите од монетарната политика“, наведува Банката во својот билтен.
Како што пренесува истиот извор, најновите прогнози на централната банка се во склад со предвидувањето на Матео Ренци и се нешто подобри од оние кои ги објави ОЕЦД.
