Изградбата на нови гасоводи од Русија за Европа ќе доведе до дуплирање на постоечката инфраструктура, рече заменик потпретседателот на Европската комисија(ЕК) Марош Шефчович.
„Ако тие(руските планови) бидат материјализирани, тоа ќе биде еден вид дуплирање на постоечките инфраструктурни можности за транспортирање на гас од Русија во Европа“, рече тој пред новинарите во Брисел.
Шефчович подвлече дека сегашната инфраструктура се користи помалку од 60 отсто и тоа ја става под знак прашалник економската исплатливост на руските енергетски проекти во Европа. Според него, во тој дел Русија повеќе се води од политички, отколку од економски причини.