Италијанскиот јавен долг е зголемен на 2,200 милијарди евра, што е за 23,4 милијарди евра повеќе отколку во месец мај.
Односот на долгот кон БДП сега е над 132 проценти, додека во 2013 изнесувал 130, а во 2010 година 120 проценти.
Опозициските политичари денес по објавата на новите податоци на Централната банка на Италија го критикуваат министерот за финансии Пјер Карло Падоан за тоа што не е намален должничкиот товар.
Италијанската економија покажува знаци на раст, а Падоан за весникот Sole 24 Ore изјави дека пред една ипол година Италија ризикувала многу повеќе, но структурните реформи помогнале да се создаде „патот кон раст“.
