Во манастирот „Свети Илија“ во селото Дрен, во близината на Прилеп, во понеделник 13 јули стартува осмата ликовна колонија „Дрен“, во организација на прилепскиот Центар на културата „Марко Цепенков“.
До 20-ти јули уметници од Македонија, Србија, Русија и првпат од Турција, ќе го заземат манастирскиот комплекс во кој ќе творат, ќе се дружат и ќе разменуваат искуства. Со дела нивниот престој ќе го овековечат Александра Ацеска, Марјан Стојаноски, Мирјана Бубевска, Сергеј Дамовски, Тони Чатлески и Владимир Кнежевиќ од Македонија, потоа Сречко Здравковиќ (плус две уметници )од Србија, Марија и Иван Крившинко од Русија и Емине Токмакај од Турција.
Руските уметници Марија и Иван Крившинко, членови на уметничкото движење „Соло“, од Москва, велат дека им претставува чест и задоволство што ќе бидат дел од колонијата Дрен, за која слушале само најпофални зборови од нивните колеги од Русија кои биле досегашни учесници.
Директорот на Центарот Тони Чатлески е горд што колонијата „Дрен“ стана вистински ликовен бренд не само на градот, туку и на Македонија, манифестација на која сакаат да доаѓаат уметници од целиот свет.
Делата што од понеделниик до 20-ти јули ќе ги создадат учесниците ќе бидат презентирани на 4-ти септември на завршницата на годинашното Прилепско културно лето.
