Германската канцеларка Ангела Меркел за време на кусата посета на Тирана побара од албанските власти да создаат услови за германски инвестиции, во оваа земја.
Албанските медиуми, кои се повикуваат на албански извори, јавуваат дека Меркел ветила инвестиции во сферата на туризмот, енергетиката и телекомуникациите.
Меркел на средбата со премиерот Еди Рама побарала подобрување на законските услови со кои ќе се даде сигурна гаранција на германските инвеститори.
„Има услови за поголема економска соработка, но тоа треба да се искористи“, нагласила Меркел на средбата со Рама.
Албанските медиуми неколку часовната посета на Меркел на Тирана, ја оценуваат како историска.
