Грција денеска издаде декрет со кој затворањето на банките, кои се под катанец веќе осум работни дена, продолжува, изјави официјален претставник на Атина за Ројтерс, не изнесувајќи повеќе детали.
Банките се обидуваат да ги одржат банкоматите полни за да можат граѓаните да го подигнат дневниот лимит од 60 евра.
Грција минатата недела воведе контрола на капиталот и ги затвори банките, откако Европската централна банка ги задржа итните заеми за грчките банки на ниво од околу 89 милијарди евра, колку што изнесуваа од 26 јуни.
Извори од финансискиот сектор на Грција наведуваат дека банките би можеле во следните два дена целосно да останат без пари, доколку Атина и кредиторите не договорот нов пакет помош.
