Раководството на концернот „Fiat-Chrysler“ активно разгледува можноста за заживување на легендарниот модел „Lancia Delta Integrale“ кој во 80-тите години на минатиот век владееше во Светскиот рели шампионат. Ова го објави „Autocar“, повикувајќи се на свои извори.
„Lancia Delta Integrale“ има 6 рели титули и 46 победи во поединечните натпревари. Предлогот за оживување на моделот е дојдено од највисоките ешалони на концернот, но неговиот шеф – Сердџио Маркионе, се уште не е убеден во профитабилноста на сличен проект.
Шефот на „Fiat-Chrysler“ е загрижен од фактот дека новата „Lancia Delta Integrale“ ќе треба да се развива од нула, што ќе чини многу пари. Во исто време Концернот има сериозни финансиски проблеми, па дел од своите средства ги фокусираат главно во развојот на друга своја марка – „Alfa Romeo“.
Проблем е и фактот дека сите обиди за заживување на марката „Lancia“ во последните 20-тина години резултираше со неуспех. Во исто време се зема предвид огромната популарност на „Delta Integrale“ меѓу љубителие на големите брзини, а голем дел од нив се токму младите луѓе.
Според информациите најверојатно во „Fiat-Chrysler“ ќе ризикуваат и ќе пуштат ограничена серија од возилото, за да го проверат расположението на пазарот. Па доколку имаат успех ќе мислат за посериозно производство.
