Американската телевизиска водителка Опра Винфри, една од најбогатите жени во светот, во петокот беше прогласена за една од највлијателните личности во светот на славните, и покрај фактот што емитувањето на нејзината популарна емисија заврши во 2011 година, по 25 години успешна работа.
Магазинот Форбс ја постави Опра (59) пред холивудските ѕвезди Стивен Спилберг и Клинт Иствуд, како и пред познатата новинарка Барбара Волтерс и финансискиoт гуру Сузи Орман. Винфри во телевизискиот бизнис се промовираше преку својата мрежа „Oprah Winfrey Network“.
Во објаснувањето на Форбс се вели дека 48 проценти од читателите сметаат дека Винфри е влијателна личност, што е за само еден процент помалку од истражувањето од претходната година. Истражувањето беше спроведено меѓу американските испитаници.
Првите 10 највлијателни личности во 2013 година според Форбс се:
1.Опра Винфри
2.Стивен Спилберг
3.Мартин Скорсезе
4.Рон Хауард
5.Џорџ Лукас
6.Мехмет Оз
7.Барбара Волтерс
8.Боно Вокс
9.Сузи Орман
10.Клинт Иствуд