Главниот економист на Светската банка и добитник на Нобеловата награда Јозеф Стиглиц ги критикуваше грчките кредитори и рече дека тие сносат „криминална одговорност“ за длабоката криза што оваа земја ги преживува во овие моменти.
За трагедијата што ја проживува грчката економија ја обвинува Тројката, односно Меѓународниот монетарен фонд (ММФ), Европската централна банка(ЕЦБ) и Европската комисија (ЕК), пишува BBC.
„Нема теорија дека економијата во депресија ќе успее да ви го плати она што ви го должи. Она што Тројката го направи, е тоа што ја смести Грција во должнички затвор“, рече Стиглиц.
