Агенцијата за кредитен рејтинг „Moody’s“ ја зголеми вчера оценката за кредитниот рејтинг на Исланд за еден степен на „Baa2“, со стабилна прогноза.
„Прогресивното укинување на контролата на капитал и ублажувањето на чувствителноста на надворешното влијание и економското наследство по банкротот на банките, е суштинска етапа во закрепнувањето на Исланд и голема е шансата за раст, намалување на јавниот долг и нормализацијата на идниот финансиски систем“, се наведува во извештајот на „Moody’s“.
Исланд до мај 2008 година бил оценуван со највисокиот кредитен рејтинг „Ааа“, а потоа оценката била намалена за еден степен.
Пет месеци подоцна, земјата која практично банкротирала побарала помош од Меѓународниот монетарен фонд по ненадејниот колапс на финансискиот сектор, пренесува АФП.
